Ishtixonda 5 mlrd. so‘mlik ortiq qalbaki aksiz markali alkogol va tamaki mahsulotlari savdosi aniqlandi
Holat Bosh prokuratura huzuridagi Departament viloyat boshqarmasi va IIB xodimlari hamkorligida o‘tkazilgan tezkor tadbirda fosh etilgan. Fuqaro D.S. Ishtixon tumani, “G‘.G‘ulom” MFY hududidagi binoda turli nomdagi umumiy bahosi 5 mlrd. 192 mln. so‘mlik 133 893 dona qalbaki aksiz markali alkogolli mahsulotlar va 2 turdagi 4 730 quti tamaki mahsulotlarini qonunga xilof ravishda sotish maqsadida saqlab kelayotganligi aniqlanib, ushbu mahsulotlar ashyoviy dalil sifatida olingan.
Mazkur holat yuzasidan jinoyat ishi qo‘zg‘atilib, tergov harakatlari o‘tkazilmoqda.
