Paxtachida iste’molga yaroqsiz alkogol mahsulotlarining savdoga chiqarilishining oldi olindi
Bosh prokuratura huzuridagi Departamentning Paxtachi tumani bo‘limi tomonidan hududda tezkor tadbir o‘tkazildi.
Tadbirda tumanda faoliyat yuritayotgan “T.M.” xususiy korxonasi savdo do‘koni sotuvchisi xaridorga qalbaki aksiz markasiz alkogol mahsulotini sotgan vaqtida ushlangan.
Ushbu savdo do‘konidan sifatini tasdiqlovchi hujjatlari bo‘lmagan umumiy bahosi 43,5 mln so‘mlik 723 dona alkogol va 1322 quti tamaki mahsulotlari ashyoviy dalil sifatida olingan.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
