Пахтачида истеъмолга яроқсиз алкоголь маҳсулотларининг савдога чиқарилишининг олди олинди
Бош прокуратура ҳузуридаги Департаментнинг Пахтачи тумани бўлими томонидан ҳудудда тезкор тадбир ўтказилди.
Тадбирда туманда фаолият юритаётган “T.M.” хусусий корхонаси савдо дўкони сотувчиси харидорга қалбаки акциз маркасиз алкоголь маҳсулотини сотган вақтида ушланган.
Ушбу савдо дўконидан сифатини тасдиқловчи ҳужжатлари бўлмаган умумий баҳоси 43,5 млн сўмлик 723 дона алкоголь ва 1322 қути тамаки маҳсулотлари ашёвий далил сифатида олинган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
