Исроил ва Туркия Сурия бўйича тўғридан-тўғри музокараларда. Шимолий Кореяда биринчи компьютер клуби. ЖССТ: Инсоният янги пандемияга дуч келади - бу COVIDдан ҳам хавфли бўлади

🔹 АҚШ президенти Доналд Трампнинг Европа Иттифоқидан импорт қилинадиган маҳсулотларга қўшимча божлар жорий этиш қароридан сўнг, Брюссель 15 апрелдан бошлаб АҚШдан келадиган товарларга биринчи жавоб божларини жорий қилишни режалаштирмоқда. 70 га яқин давлат импорт божларини муҳокама қилиш учун Вашингтон билан боғланган.

🔹  Туркия ва Исроил “тушунмовчиликларга йўл қўймаслик” ва кучлар ўртасида юзага келиши мумкин бўлган тўқнашувларнинг олдини олиш мақсадида Суриядаги чегара чизиғи бўйича музокаралар олиб бормоқда. Қайд этилишича, музокаралар яҳудий давлати Анқара ўз қўшинларини жойлаштиришни режалаштирган Хомсдаги Т4 базасига авиазарба берганидан кейин бошланган. “Исроил ва Туркия расмийлари ўша куни бир хил баёнотлар бериб, Сурияда бир-бирлари билан зиддиятга интилмаётганликларини айтишди. Шунингдек, Туркия Сурияда, жумладан Исроилнинг ҳам ҳаво ҳужумини олдини олиш учун ҳаво мудофаа тизимларини жойламоқчи.

🔹  Жанубий Корея Шимолий Кореянинг 10 дан ортиқ аскари Ҳарбий демаркация чизиғини кесиб ўтишга уринганини айтди. Уларга қарата огоҳлантирувчи ўқ узилган.

🔹  Ҳутий разведка бошқармаси бошлиғи Абд ал-Носир ал-Камолий АҚШ ҳарбийлари томонидан берилган зарбада ҳалок бўлди.

🔹 Шимолий Корея биринчи компьютер клубини очишга тайёр. Мамлакат раҳбари Ким Чен Ин бинони кўздан кечирди. «Энди шимолий кореялик хакерлар ўз етакчилари учун “ғарбий капиталистлар”дан миллиардлаб долларни бемалол ўғирлаши мумкин», киноя қилади Nexta Live.

🔹 Жанубий Кореяда навбатдан ташқари президентлик сайловлари расман 3 июнга белгиланди.

🔹 Трампнинг сиёсати Илон Маскнинг ҳамёнига зарба берди. Миллиардер бойлиги 300 миллиард доллардан тушди. Сўнгги бир неча кун ичида Tesla акциялари 50 фоиздан кўпроқ арзонлашган. Маск Трампдан жорий этилаётган қўшимча импорт тарифларини қайта кўриб чиқишни сўради. Аммо унинг илтимоси инобатга олинмаган.

🔹 Хитой Жанубий Хитой денгизида йирик нефть ва газ конининг топилганини эълон қилди.

🔹 Apple тарифлар жорий этилишидан олдин уч кун ичида бешта самолётда Ҳиндистондан АҚШга iPhone ва бошқа қурилмалар “ташиди”. Энди захиралар компанияни тарифлардан вақтинча “ҳимоя қилади”.

🔹 Инсоният янги пандемияга дуч келади - бу COVIDдан ҳам хавфли бўлади. ЖССТ бош директори Тедрос Гебреесус таҳдид яқин эканини айтди. Кейинги апокалипсис қачон бошланади? 20 йил ёки ундан кўпроқ, балки эртага. Лекин бу, албатта, муқаррар. ЖССТ раҳбарининг ишончи комилки, COVIDнинг бошқа варианти таҳдиди, бундан хавфли янги патоген таҳдиди сақланиб қолмоқда.

Г.Холдорова тайёрлади.