ЖССТ коронавирус пандемияси ҳали узоқ давом этади, деб ҳисобламоқда

Жаҳон соғлиқни сақлаш ташкилоти коронавирус пандемияси ҳали узоқ давом этади, деб ҳисобламоқда. Бу ҳақда Женевада ўтказилган йиғилишда маълум қилинди.

1 август куни Женевада ўтказилган кенг кўламли йиғилишда ЖССТнинг фавқулотда қўмитаси ва унинг вакиллари, коронавирус пандемияси халқаро аҳамиятга эга алоҳида холат бўлиб қолмоқда деган ҳулосага келдилар.

Йиғилишда қатнашган халқаро мутахассислар ЖССТ ва унинг ҳамкорларига коронавирус билан олиб борилаётган курашдаги саъи ҳаракатлари учун миннатдорчилик билдирдилар. Фавқулотда қўмита мутахассислари, ушбу муаммони ечишда кучларни бирлаштириш зарур эканлигини таъкидладилар.

Мутахассислар яна уч ойдан сўнг, коронавирус билан боғлиқ вазиятни муҳокама қилишга йиғиладилар.