"Lacetti" автомашинаси ЙТҲга учраши оқибатида 5 киши ҳалок бўлди

Кеча, 13 октябрь куни соат 19:00 М-37А айланма автомобиль йўлининг 37-километрида фуқаро 30 ёшли Ж.Муротов бошқарувида бўлган "Lacetti" русумли автомашинасида "Тошкент—Бухоро" йўналиши бўйича ҳаракатланаётиб, автомашина бошқарувини йўқотган ва йўлнинг қарама-қарши йўналишларини ажратиб турган металл тўсиққа урилган.

Оқибатда ҳайдовчи Ж.Муротов ва 4 нафар йўловчи тан жароҳатлари олиб, воқеа жойида ҳалок бўлган.

Вилоят ИИБ томонидан мазкур ҳолат юзасидан Жиноят кодексининг 266-моддаси 3-қисми «а» банди билан жиноят иши қўзғатилган.