"Мард аскар - ёшларга намуна"

Давлат хавфсизлик хизмати Чегара қўшинларига қарашли ҳарбий қисмда шундай шиор остида "Очиқ эшиклар куни" тадбири ўтказилди.

Унда Ургут туманидаги 16, 15, 20, 119, 126-умумтаълим мактабларидан 150 нафардан ортиқ ўқувчи, чегарадаги маҳаллаларда истиқомат қилувчи 30 нафардан ортиқ уюшмаган ёшлар иштирок этди.

Тадбирда ўқувчи-ёшлар ҳарбий қисмдаги маънавият ва маърифат, Амир Темур хоналари, спорт майдончалари, қурол-аслаҳалар, ҳарбий техникаларни кўздан кечириб, ҳарбийлар бажараётган масъулиятли вазифалар ҳақида маълумотга эга бўлишди.

Шунингдек, улар иштирокида  китобхонлик кечаси, уч авлод учрашуви, спортнинг шахмат ва шашка ҳамда мини-футбол турлари бўйича мусобақалар ташкил этилди.

Тадбир якунида мусобақа ғолиблари ҳамда фаол ёшлар ҳарбий қисм командири ҳамда жамоат ташкилотларининг диплом, ташаккурнома ва эсдалик совғалари билан тақдирланди.

Сардор Отақулов.