Мексикада жиноий гуруҳлар тўқнашуви оқибатида тўққиз нафар инсон ҳалок бўлди

Мексиканинг Мичоакан штатидаги Тепалькатепек шахрига кириш жойида содир бўлган жиной гуруҳлар ўртасидаги тўқнашув оқибатида тўққиз нафар инсон ҳалок бўлди, 11 нафари жароҳатланди, дея бу ҳақида штат жамоатчилик хавфсизлиги вазири Исраэль Патрон хабар берди.

“Тўқнашув содир бўлган жойда ичида тўртта вафот этган шахслар билан биргаликда бешта автомобиль қолган. Тўқнашув чоғида ҳаммаси бўлиб тўққиз нафар одам ҳалок бўлган, яна 11 киши жароҳатланган”, - деди у Foro TV телеканалига берган интервьюсида.

Вазир, икки наркокартель ўртасидаги келишмовчилик ҳақида сўз борётганлигига ойдинлик киритишдан бош тортди, бироқ, тўқнашув қуролланган бир гуруҳ шахслар Халиско штатидан Тепалькатепекка киришга ҳаракат қилаётганларида иккинчи қуролланган гуруҳга дуч келганидан сўнг бошланганини таъкидлади.

Сўнгги йилларда Мексикани АҚШга кокаин транзитини назорат қилиш учун наркокартель ўртасидаги тўқнашувлар оқибатида юзага келаётган зўравонлик тўлқини қамраб олди. 2018 йилда Мексикада қотилликлар сони рекорд даражага етганлиги кузатилди – хавфсизлик вазирлиги 33 мингдан ортиқ қотиллик ҳақида хабар берган эди. (2017 – йилда – 31.2).