Мини футбол ва волейбол: майдонда касаба уюшма ишчи-ходимлари
11 ноябрь - Ўзбекистон касаба уюшмалари куни муносабати билан Ўзбекистон касаба уюшмалари Федерацияси Самарқанд вилояти кенгаши томонидан ташкилот, корхона ва муассасаларда фаолият кўрсатаётган ишчи-ходимлар ўртасида спортнинг мини-футбол ва волейбол тури бўйича вилоят мусобақаси ташкил этилди.
Спорт тадбирида вилоят кенгаши раиси С.Рафиқов спорт иштирокчиларини сана муносабати билан табриклади ва тизимдаги ўзгаришлар ҳақида қисқача маълумот берди.
Спорт тадбирида 16 та жамоада 200 нафарга яқин ходим ўзаро баҳс олиб борди. Қизиқарли ўтган мусобақанинг мини-футбол турида биринчи ўринни таълим ва фан ходимлари касаба уюшмалари Нуробод туман бўлинмаси жамоаси барчадан тенгсиз эканлигини исботлади. Иккинчи ўринни Марказий банк ходимлари жамоаси қўлга киритган бўлса, учинчи ўринни таълим ва фан ходимлари касаба уюшмалари Иштихон туман бўлинмаси жамоаси эгаллади.
Волейбол бўйича таълим ва фан касаба уюшмалари Самарқанд шаҳар бўлинмаси жамоаси биринчи ўринни банд қилди. Иккинчи ўринни таълим ва фан касаба уюшмалари Нуробод туман бўлинмаси жамоаси қўлга киритган бўлса, учинчи ўрин таълим ва фан ходимлари касаба уюшмалари Иштихон туман бўлинмаси жамоасига насиб этди.
Ғолиб ва совриндорлар вилоят касаба уюшмалари кубоги, диплом ва эсдалик совғалар билан тақдирланди.
Бахтиёр Туробов.
