Наврўз байрами муносабати билан Самарқандда туризм хизматлари учун 50 фоизгача чегирмалар эълон қилинади

"Наврўз байрамини нишонлаш тўғрисида”ги Ўзбекистон Республикаси Президентининг Қарорига асосан 5 кунлик дам олиш куни белгиланган.

Шу муносабат билан, вилоят туризм ва маданий мерос бош бошқармаси ташаббуси билан меҳмонхоналар, меҳмон уйлари, туристик-транспорт хизматлари, умумий овқатланиш шохобчалари томонидан байрам кунлари чегирмалар эълон қилинмоқда.

Туризм ва маданий мерос бош бошқармаси матбуот хизматига кўра, байрам доирасида жойлаштириш воситаларида 20 фоизгача, умумий овқатланиш шохобчаларида 22 фоизгача, туристик фирмаларда 35 фоизгача чегирмалар берилади.