Одобнома: Кутилмаган меҳмон

Устоз шогирдларидан бири кимнингдир муҳаббатига эришмоқчи бўлганини билибди.

-Севгини талаб қилма, унга бундай усулда эришолмайсан, - деди Устоз.

-Нега?

-Айтчи, уйингга таклиф этилмаган меҳмонлар бостириб келса, бақириб эшикни очишни талаб қилишса, роса безор қилишса, сен нима қиласан?

-Мен эшикни кучлироқ ёпаман.

-Сен ҳам ўзга юраклар эшигига бостириб кирма, унда улар ҳам сенинг олдингда яна-да кучлироқ ёпилади. Кутилган меҳмон бўлгин, қаршингда ҳар қандай қалб очилади. Ўзингда севгини топ, шунда ҳеч қандай қулф бардош беролмайди. Гулдан ўрнак ол, у асаларилар орқасидан қувламайди, уларни ўзига жалб қилади. Сенинг севгинг ошиғингни “учириб келтирадиган” гулшира бўлсин.

“Ҳикматлар жавоҳири” китобидан.