Ўғирлик содир этган булунғурлик 24 ёшли йигит қўлга олинди
Жорий йилнинг 26 июль соат 20:30 ларда Самарқанд шаҳри Ислом Каримов кўчаси йўналиши бўйлаб жамоат тартибини сақлаш бўйича патруль хизматида бўлган Миллий гвардия ҳарбий хизматчилари ўзини шубҳали ҳаракатлари билан кўзга ташланган фуқарони тўхтатиб, ҳолат бўйича навбатчилик қисмига хабар қилган.
Автоматлаштирилган маълумотлар базаси орқали ушбу фуқаро тўғрисидаги маълумотлар текширилганда, у 1996 йил Булунғур туманида туғилган А.Р. эканлиги, унга нисбатан 2020 йил 4 март куни Ўзбекистон Республикаси ЖКнинг 169-моддаси 2-қисми “в, г” бандлари (ўғирлик) билан туман ИИБ ТБ томонидан жиноят иши қўзғатилиб, 2020 йил 21 апрель куни қидирув эълон қилинганлиги аниқланди.
Ушбу фуқаро билан тушунтириш ишлари олиб борилиб, Самарқанд вилояти ИИОФМБ ЖҚБга ўрнатилган тартибда топширилди, деб хабар берди Миллий гвардия матбуот хизмати.
