Оқдарёда боғча мудиралари учун “Очиқ эшиклар куни" ўтказилди
Оқдарё мактабгача таълим ва хизмат кўрсатиш касб-ҳунар коллежида тумандаги мавжуд 24 та мактабгача таълим муассасалари мудиралари иштирокида “Очиқ эшиклар куни” ташкил этилди.
Туман мактабгача таълим бўлими билан ҳамкорликда ўтказилган тадбирда коллежнинг иккинчи мутахассислик бўйича юқори курсларда таҳсил олаётган ўқувчиларнинг очиқ дарс машғулотлари кузатилиб, таҳлил қилинди.
Ўқувчиларнинг мактабгача таълим педагогикаси, болалар ижодкорлигини ривожлантириш ва саҳналаштириш ҳамда нутқ ўстириш каби йўналишларда тайёрланган кўргазмали чиқишлари уларнинг келгусида ишга жойлашишлари учун боғча мудираларига намойиш этилди.
Насиба ГАДОЕВА,
коллеж ўқитувчиси.
