Oqdaryoda bog‘cha mudiralari uchun “Ochiq eshiklar kuni" o‘tkazildi
Oqdaryo maktabgacha ta’lim va xizmat ko‘rsatish kasb-hunar kollejida tumandagi mavjud 24 ta maktabgacha ta’lim muassasalari mudiralari ishtirokida “Ochiq eshiklar kuni” tashkil etildi.
Tuman maktabgacha ta’lim bo‘limi bilan hamkorlikda o‘tkazilgan tadbirda kollejning ikkinchi mutaxassislik bo‘yicha yuqori kurslarda tahsil olayotgan o‘quvchilarning ochiq dars mashg‘ulotlari kuzatilib, tahlil qilindi.
O‘quvchilarning maktabgacha ta’lim pedagogikasi, bolalar ijodkorligini rivojlantirish va sahnalashtirish hamda nutq o‘stirish kabi yo‘nalishlarda tayyorlangan ko‘rgazmali chiqishlari ularning kelgusida ishga joylashishlari uchun bog‘cha mudiralariga namoyish etildi.
Nasiba GADOYeVA,
kollej o‘qituvchisi.
