Ўзбекистон-Австрия: замонавий иссиқхоналар ташкил этиш борасида келишувларга эришилди

Мазкур келишув Тошкентдаги Халқаро инвестиция форуми доирасида имзоланган. Унда Ўзбекистонда иссиқхона хўжалигини ривожлантириш ва замонавий Австрия технологияларидан фойдаланган ҳолда соҳа мутахассисларини тайёрлаш, шунингдек, қишлоқ хўжалиги техникасини ишлаб чиқаришни ташкил этиш масаласини ўрганиш имкониятлари муҳокама қилинган.

Икки мамлакат учун ҳам манфаатли бўлган ҳамкорлик алоқаларини мустаҳкамлаш ва қўшма лойиҳаларни амалга ошириш учун платформа яратиш борасида бир қатор келишувларга эришилган.