Ўзбекистон ҳудудига илиқ ва нам ҳаво массалари кириб келади
"Ўзгидромет" хабар беришича, эртага, шанба куни республикага Туркманистон ҳудудидан илиқ ва нам ҳаво массалари кириб келиши кутилмоқда. Ўзбекистон бўйича фақат айрим ҳудудларда ёмғир ёғади. Ҳарорат кечаси 0...-2 даража совуқ, айрим жойларда -5 даража совуқ бўлади. Кундузи +5...+10 даража илиқ бўлади. Республика шимолида кечаси -6...-11 даража совуқ, кундузи -2 даража совуқ +3 даража илиқ бўлади.
Якшанба куни республиканинг барча ҳудудларида ёмғир кутилмоқда. Ҳарорат кечаси 0...+5 даража илиқни, кундузи +8...+13 даража илиқни ташкил этади. Баъзи жойларга туман тушиши мумкин.
Ушбу даврда республиканинг тоғли ҳудудларида вақти-вақти билан қор ёғиши, 28 январда баъзи жойларда кучли бўлиши кутилмоқда. Тошкент ва Наманган вилоятларининг тоғли ҳудудларида қор кўчиши хавфи мавжуд.
