O‘zbekiston hududiga iliq va nam havo massalari kirib keladi
"O‘zgidromet" xabar berishicha, ertaga, shanba kuni respublikaga Turkmaniston hududidan iliq va nam havo massalari kirib kelishi kutilmoqda. O‘zbekiston bo‘yicha faqat ayrim hududlarda yomg‘ir yog‘adi. Harorat kechasi 0...-2 daraja sovuq, ayrim joylarda -5 daraja sovuq bo‘ladi. Kunduzi +5...+10 daraja iliq bo‘ladi. Respublika shimolida kechasi -6...-11 daraja sovuq, kunduzi -2 daraja sovuq +3 daraja iliq bo‘ladi.
Yakshanba kuni respublikaning barcha hududlarida yomg‘ir kutilmoqda. Harorat kechasi 0...+5 daraja iliqni, kunduzi +8...+13 daraja iliqni tashkil etadi. Ba’zi joylarga tuman tushishi mumkin.
Ushbu davrda respublikaning tog‘li hududlarida vaqti-vaqti bilan qor yog‘ishi, 28 yanvarda ba’zi joylarda kuchli bo‘lishi kutilmoqda. Toshkent va Namangan viloyatlarining tog‘li hududlarida qor ko‘chishi xavfi mavjud.
