O‘zbekistonda 2022 yilda ishsizlik darajasi 9,6 foizdan 8,9 foizga kamaygan
Kambag‘allikni qisqartirish va bandlik vazirligining ma’lumotiga ko‘ra, 2022 yil davomida turli sohalarda 2,7 million aholining doimiy bandligi ta’minlangan. 4 milliondan ziyod aholi mavsumiy mehnatga jalb etilgan.
Yuridik shaxslar tomonidan 1 million 335 ming, shundan yangi investitsiya loyihalarini ishga tushirish hisobiga 305 ming aholining doimiy bandligi ta’minlandi.
Bandlikni ta’minlash borasidagi ishlar natijasida o‘tgan yilda respublikada yil boshiga nisbatan ishsizlik 9,6 foizdan 8,9 foizga kamaygan.
