Ишсизларни касб-ҳунарга ўргатиш марказига  сувдан 263 миллион сўм асосиз қарз ҳисобланган

Самарқандда қайд қилинган бу ҳолат ҳақида Рақобатни ривожлантириш ва истеъмолчилар ҳуқуқларини ҳимоя қилиш қўмитаси хабар бермоқда.

Хабарда айтилишича, қўмита томонидан жорий йилнинг 1-ярмида табиий монополия субъектларининг ортиқча ҳисобланган жами 20 миллиард сўмга яқин, хусусан:

электр энергияси соҳасида – 5.5 млрд сўмга яқин,

табиий газ соҳасида – 7.5 млрд сўмга яқин,

ичимлик сув таъминоти соҳасида – 2.5 млрд сўмга яқин,

иссиқлик таъминоти соҳасида – 4.5 млрд сўмдан ортиқ

маблағлар 48 мингдан ортиқ жисмоний ва 100 дан ортиқ юридик истеъмолчиларга қайтарилишига эришилган.

Жумладан, Самарқандда "Ишсизларни касб-ҳунарга ўргатиш маркази" мурожаати асосида “Самарқанд сув таъминоти” АЖ томонидан (ичимлик сувидан) асоссиз ҳисобланган 263 миллион сўм маблағни қайта ҳисоб-китоб қилиниши таъминланган.