Пахтачида маккажўхори орасига 19 туп “каннабис” гиёҳвандлик ўсимлиги экилгани аниқланди

Жорий йилнинг 15 август куни Самарқанд вилояти Пахтачи тумани ИИБ ходимлари томонидан ўтказилган тезкор тадбирда 38 ёшли К.А.нинг яшаш хонадони ҳовлиси кўздан кечирилди. У томорқасида маккажўхори ўсимлиги орасига 19 туп “каннабис” гиёҳвандлик ўсимлиги экиб, етиштириб келаётганлиги ва ушбу гиёҳвандлик ўсимликни яшаш уйи оғилхонасида қуритиб келаётганлиги аниқланиб, тегишли тартибда холислар иштирокида расмийлаштириб олинди.

Мазкур ҳолат юзасидан Пахтачи тумани ИИБ ҳузуридаги Тергов бўлими томонидан Жиноят кодексининг 270-моддаси 1-қисми (тақиқланган экинларни етиштириш) билан жиноят иши қўзғатилган. К.А. гумон қилинувчи тариқасида жалб қилинган.

ИИВ ҳузуридаги Тергов департаменти хабарига кўра, ҳозирда дастлабки тергов ҳаракатлари олиб борилмоқда.