Paxtachilik o‘quvchini uchta xorijiy universitet o‘qishga qabul qilib jami 160 ming dollarlik grant taklif qildi

Paxtachi tumani 21- umumta’lim maktabining 11-sinf o‘quvchisi Marhabo Umarova muddatidan oldin 3 ta xalqaro univertetga talabalar safiga qabul qilindi va umumiy hisobda 160 000 AQSh dollari qiymatidagi ta’lim grantini qo‘lga kiritdi.

Amerika qo‘shma shtatlarining PACE universiteti Marhaboga 72 000 dollarlik - yuz foizlik grant taqdim etgan bo‘lsa, Arizona shtatidagi Eller College of Management universiteti universiteti - 88 000 dollar miqdoridagi grantlar yutganligini ma’lum qildi.

Nyu Yorkdagi Stony Brook universiteti esa Marhaboni o‘z talabalari safidan o‘rin olishidan mamnunligini bildirgan. Marhabo yoshligidan Iqtisod sohasiga qiziqadi. U kelajakda chet elda sohani puxta egallab, O‘zbekistonda iqtisodiyotni rivojlantirishga hissa qo‘shmoqchi.