Пайариқда қиморхона фош этилди
Вилояти ИИБ ЖҚБ Уюшган жиноятчиликка қарши кураш бўлими ҳамда ДХХ Самарқанд вилоят бошқармаси ходимлари ҳамкорлигида, олинган тезкор маълумотларга асосан Пайариқ туманида тезкор тадбир ўтказилган.
Тадбир давомида, туманнинг Халқобод МФЙ “Эшимоқсоқ” қишлоғида яшовчи 1984 йилда туғилган А.О. ва 1984 йилда туғилган О.А. лар фуқаро А.Р.дан шу қишлоқда жойлашган ошхонани ижарага олиб, у ерда қиморхона ташкил этганлиги аниқланган. Тадбир давомида ошхонада қимор ўйнаётган 8 нафар иштирокчилар томонидан тикилган пуллар ва ўйин карталари, тошлари ва доскаси далилий ашё сифатида олинган.
Ҳолат юзасидан туман ИИБ томонидан терговга қадар текширув ҳаракатлари олиб борилмоқда.
