Россия коронавирус қайд этилиши ҳолати бўйича Хитойдан ўзиб кетди
Россияда коронавирус инфекциясини юқтириб олган беморлар сони 87147 нафарга етди. Хитойда эса ҳукумати тақдим этган расмий маълумотга кўра, бу кўрсаткич уларда 82830 нафарни ташкил этмоқда.
Россияда сўнгги кеча-кундузда 6198 нафар янги касалланиш ҳолати қайд этилган.
Янги маълумотларни ҳисобга олган ҳолда дунёда коронавирус билан касалланганлар сони бўйича Россия тўққизинчи поғонани банд этди.
Мамлакатнинг коронавирусга қарши курашиш тезкор штаби берган маълумотга кўра, касалланганларнинг 43,4 фоизида клиник аломатлар кузатилмаган.
