Самарқанд давлат тиббиёт институти талабалари Туркияда малака оширади
Самарқанд давлат тиббиёт институти ректори, профессор Жасур Ризаев Туркиянинг Соғлиқ билимлари университети ректори профессор Cevdet Erdӧl нинг таклифига биноан Истанбул шаҳрида хизмат сафарида бўлди.
Ж.Ризаев ташриф давомида ушбу университет фаолияти билан яқиндан танишди. Ректорлар ўқув, илмий ҳамда профессор-ўқитувчилар ва талабалар академик алмашинув лойиҳаларини ривожлантириш масалаларини муҳокама этди.
Ўзаро тажриба алмашиниш бўйича олиб борилган музокаралар натижасида дунё бўйича пандемия тугаши билан Соғлиқ билимлари университети Самарқанд давлат тиббиёт институтининг қатор мутахассисликлари бўйича магистратура резидентлари ва клиник ординаторларини қисқа ва узоқ муддатли малака ошириш дастурларига қабул қилишга келишиб олинди.
Самарқанд давлат тиббиёт
институти ахборот хизмати.
