Самарқанд ва Қувайт ўртасида авиақатновлар йўлга қўйилмоқда
Қувайтнинг "Jazeera Airways" авиакомпанияси Aл-Қувайт ва Самарқанд шаҳарларини тўғридан-тўғри рейслар билан боғламоқда.
"Aл-Қувайт — Самарқанд — Aл-Қувайт" йўналиши бўйича мунтазам парвозлар Airbus A320 самолётларида амалга оширилиши режалаштирилган. Биринчи рейс 2023 йилнинг 15 февралига мўлжалланган.
Мунтазам йўловчи қатновлари ҳафтасига икки марта — чоршанба ва якшанба кунлари амалга оширилади.
