Самарқандда чет тили фани ўқитувчилари тест синовларини топширди, 1 нафар ўқитувчи имтиҳондан четлатилди

Аввал хабар қилганимиздек, 2020 йилнинг 23-24 декабрь кунлари Самарқанд вилоятидаги чет тили фани ўқитувчиларининг базавий ойлик маошларига устама белгилаш бўйича тест синовлари бўлиб ўтди.

Бугун 1-навбатда қатнашиши керак бўлган 93 нафар ўқитувчидан 87 нафари имтиҳонга келди. 6 нафари турли сабабларга кўра тест синовларига қатнашмади. 1 нафар ўқитувчи телефондан фойдалангани учун имтиҳондан четлатилди.

2-навбатда эса тест синовларига 42 нафар ўқитувчидан 34 нафари келди, 8 нафар ўқитувчи имтиҳонга қатнашмади.

Чет тили ўқитувчиларига устама белгилаш учун бўлиб ўтаётган имтиҳонлар босқичма-босқич бўлиб, етарли балл тўплаган ўқитувчиларга 3 йил амал қилиш муддатига эга сертификат берилади.

Давлат тест маркази Самарқанд вилояти бўлими.