Самарқандда коллеж ва техникумлар учун тест синовлари якунланди: Имтиҳонларга 79,6 фоиз абитуриент қатнашди

Давлат комиссиясининг 2020 йил 11 ноябрдаги баёнига мувофиқ вилоятдаги 13 та коллеж ва 8 та техникумда тест синовлари ўтказилди.

Абитуриентлар тест синовлари ўтказиш жойи ва вақти тўғрисида оммавий ахборот воситалари, ижтимоий тармоқлар ҳамда абитуриентларнинг телефон рақамлари орқали 10 кун олдин хабардор қилинди.

Саралаш тест синовлари 2020 йил 23-28 ноябрь кунлари Самарқанд ҳамда Каттақўрғон шаҳарларида, Булунғур, Иштихон, Нуробод, Пахтачи, Қўшработ туманларида бўлиб ўтди.

Коллеж ва техникумларга ҳужжат топширган 17 524 нафар абитуриентлардан тест синовларида 13 950 нафари (79,6 %) иштирок этди.

Саралаш тест синовлари топширган абитуриентлар texnikum.dtm.uz сайти орқали ўзлари тўплаган балларини билиш имконига эга.

Отажон НОРОВ, 

вилоят касбий таълимни ривожлантириш ва мувофиқлаштириш ҳудудий бошқармаси бош мутахассиси.