Samarqandda kollej va texnikumlar uchun test sinovlari yakunlandi: Imtihonlarga 79,6 foiz abituriyent qatnashdi

Davlat komissiyasining 2020 yil 11 noyabrdagi bayoniga muvofiq viloyatdagi 13 ta kollej va 8 ta texnikumda test sinovlari o‘tkazildi.

Abituriyentlar test sinovlari o‘tkazish joyi va vaqti to‘g‘risida ommaviy axborot vositalari, ijtimoiy tarmoqlar hamda abituriyentlarning telefon raqamlari orqali 10 kun oldin xabardor qilindi.

Saralash test sinovlari 2020 yil 23-28 noyabr kunlari Samarqand hamda Kattaqo‘rg‘on shaharlarida, Bulung‘ur, Ishtixon, Nurobod, Paxtachi, Qo‘shrabot tumanlarida bo‘lib o‘tdi.

Kollej va texnikumlarga hujjat topshirgan 17 524 nafar abituriyentlardan test sinovlarida 13 950 nafari (79,6 %) ishtirok etdi.

Saralash test sinovlari topshirgan abituriyentlar texnikum.dtm.uz sayti orqali o‘zlari to‘plagan ballarini bilish imkoniga ega.

Otajon NOROV, 

viloyat kasbiy ta’limni rivojlantirish va muvofiqlashtirish hududiy boshqarmasi bosh mutaxassisi.