Самарқандда новвойхона қарийб 820 миллион сўмлик табиий газни талон-торож қилди
“Ўзэнергоинспекция” вилоят ҳудудий бошқармаси ва вилоят прокуратураси ҳамкорликда Оқдарё туманида тадбир ўтказди.
Ушбу назорат тадбирида шу туманда истиқомат қилувчи фуқаро Б.Р. Лойиш маҳалласида жойлашган нонвойхонасида газ тармоғига ўзбошимчалик билан уланиб, табиий газдан ноқонуний фойдаланганлиги аниқланди.
Ушбу қоидабузарлик оқибатида дастлабки ҳисоб-китобларга кўра, газ таъминоти корхонасига 819,9 миллион сўмлик зарар етказганлиги маълум бўлди.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
