Самарқандда ўтказилаётган халқаро олимпиаданинг кун тартибида

Тадбир “Мўъжиза” амфитеатрида соат 19.00 да бошланади.

10-11-синф ўқувчилари ўртасида физика ва астрономия фанларидан Мирзо Улуғбек номидаги халқаро олимпиада 24 июнгача давом этади.

Халқаро олимпиада икки турда Самарқанд давлат университетида ўтказилади.

Иштирокчилар шу кунлари Самарқанд шаҳридаги диққатга сазовор жойларни зиёрат қилишади, улар учун турли тадбирлар ташкиллаштирилади.

Халқаро олимпиада доирасида 23 июнь куни СамДУда физика ва астрономия олимлари билан учрашув уюштирилади.

Олимпиада натижалари шу куни эълон қилинади.

Олимпиаданинг ёпилиш маросимидан сўнг, Самарқанд педагогика коллежининг амфитеатрида гала-концерт ўтказилиши режалаштирилган.

Мазкур халқаро олимпиада кейинчалик икки йилда бир маротаба умумтаълим муассасаларининг 10–11-синф ўқувчилари ўртасида ўтказилиши кўзда тутилмоқда.