Samarqandda o‘tkazilayotgan xalqaro olimpiadaning kun tartibida
Tadbir “Mo‘’jiza” amfiteatrida soat 19.00 da boshlanadi.
10-11-sinf o‘quvchilari o‘rtasida fizika va astronomiya fanlaridan Mirzo Ulug‘bek nomidagi xalqaro olimpiada 24 iyungacha davom etadi.
Xalqaro olimpiada ikki turda Samarqand davlat universitetida o‘tkaziladi.
Ishtirokchilar shu kunlari Samarqand shahridagi diqqatga sazovor joylarni ziyorat qilishadi, ular uchun turli tadbirlar tashkillashtiriladi.
Xalqaro olimpiada doirasida 23 iyun kuni SamDUda fizika va astronomiya olimlari bilan uchrashuv uyushtiriladi.
Olimpiada natijalari shu kuni e’lon qilinadi.
Olimpiadaning yopilish marosimidan so‘ng, Samarqand pedagogika kollejining amfiteatrida gala-konsert o‘tkazilishi rejalashtirilgan.
Mazkur xalqaro olimpiada keyinchalik ikki yilda bir marotaba umumta’lim muassasalarining 10–11-sinf o‘quvchilari o‘rtasida o‘tkazilishi ko‘zda tutilmoqda.
