Istanbul va Antaliya dunyoning eng ko‘p sayyohlarini qabul qiladigan shaharlar qatorida

Euromonitor International “Top 100 City Destinations Index 2025” hisobotini e’lon qildi. Unga ko‘ra, Istanbul va Antaliya dunyo bo‘yicha eng ko‘p xorijiy sayyoh tashrif buyuradigan shaharlar qatoridan joy oldi. Hisobotda Turkiya ziyoratchilar soni, ham turizm jozibadorligi jihatidan yetakchi o‘rinni egallaganligi qayd etilgan.

Ma’lumotlarga ko‘ra, Istanbul 19,7 million nafar xalqaro sayyoh bilan dunyo reytingida 5-o‘rinni, Antaliya esa 18,6 million ziyoratchi bilan 8-o‘rinni egalladi. Shu tariqa, Turkiya global turizm maydonidagi ta’siri va mavqeini yanada mustahkamladi.

Bangkok 30,3 million nafar tashrif buyuruvchi bilan birinchi bo‘lsa, Gonkong, London va Makao ilk to‘rtlikdan o‘rin egalladi. Biroq hisobotning eng e’tiborga molik jihati — Turkiyaning sayyohlar soni bo‘yicha Yevropa va O‘rta Yer dengizi mintaqasida yetakchilik sari shiddat bilan ko‘tarilayotgani bo‘ldi.

Mazkur o‘sishda Istanbulning gastronomiya, madaniy va san’at tadbirlari, xalqaro miqyosdagi tashkilotlar, raqamli targ‘ibot va keng ko‘lamli dinamizmi, Antaliyaning esa har bir mavsumga xos yuqori talabga ega bo‘lgan dam olish infratuzilmasi, sport turizmi hamda jahon standartlariga mos inshootlari muhim ro‘l o‘ynagan.