Самарқанднинг 61 та чорраҳасидаги светофорлар масофадан бошқарилади
ШҲТнинг навбатдаги саммити ўтказиладиган ҳудудларга замонавий энергия тежамкор светофорлар ўрнатилган. Муҳими, ҳаракатни тартибга солиш учун мазкур қурилмаларни масофадан бошқариш мумкин.
Вилоят ИИБ ЙҲХБ махсус эксплуатация монтаж бўлимидан олинган маълумотларга кўра, кўчалардаги чизиқларни янгилаш учун 17 тонна бўёқ ишлатилган.
Хусусан, 6 минг квадрат метрдан зиёд пиёдалар йўлаклари оқ ва сариқ рангга бўялган.
Шунингдек, саммитга тайёргарлик доирасида Самарқандга 2800 та йўл белгилари келтирилган. Манбанинг билдиришича, улар заруратга кўра, тегишли жойларга ўрнатилмоқда.
