“Шукронаой келажаги” эллик нафар болажонни бағрига олди
Иштихон туманида давлат-хусусий шериклиги асосида “Шукронаой келажаги” номли нодавлат мактабгача таълим муассасаси фаолият бошлади.
50 ўринга мўлжалланган ушбу болалар боғчаси Тоғайбек қишлоғида жойлашган бўлиб, тадбиркор Пўлат Мардонов томонидан 1 миллиард 400 миллион сўм маблағ эвазига қуриб битказилди.
Муассасанинг очилишига бағишланган тадбирда туман ҳокимлиги вакиллари, сектор раҳбарлари, маҳалла фахрийлари иштирок этди ва мазкур мактабгача таълим ташкилотида болажонлар учун яратилган шароитлар билан танишдилар.
Иштихон тумани ҳокимлиги ахборот хизмати.
