Тўлқин Қиличевнинг ҳаётини сақлаб қолган британиялик шифокор нима бўлганини сўзлаб берди
Парижда Буюк Британия жамоасининг тиббиёт ходимлари бокс бўйича Ўзбекистон терма жамоаси бош мураббийи Тўлқин Қиличевнинг ҳаётини сақлаб қолишга ёрдам берганидан кейин Олимпия қаҳрамонларига айланишди.
Тўлқин Қиличев пайшанба куни Ролан Гарросда машғулот хонасида Ҳасанбой Дўсматов қўлга киритган олтин медални нишонлаш жараёнида юрак хуружига учрайди.
Яхшиямки шу вақтда британиялик шифокор Харж Сингх ва физиотерапевт Робби Лиллис ҳам машғулот хонаси яқинида бўлишган ва унга шошилинч ёрдам кўрсатишган, Сингх сунъий нафас берган, Лиллис эса дефибриллятор амалиётини қўллаган.
Лиллис шундай деди: "Ўзбекистон мураббийлар жамоаси машғулот жойига қайтиб келишди ва уларнинг барчаси ғалабани нишонлади, кейин бу ҳудуддан байрам билан умуман боғлиқ бўлмаган бақириқ овозлари эшитилди.
*«Шифокорларни чақиринг, ёрдам беринг», деган ҳайқириқлар эди.* Шифокор Харж биринчи бўлиб ёрдамга югурди ва мен унинг ортидан қўлимдаги сумка билан эргашдим.
"Хонага етганимда Харж аллақачон мураббийга сунъий нафас беришни бошлаган эди. Бир нечта мураббийлар бутун вазиятдан хавотирда эдилар, шунинг учун уларни ўзига келтиришга бироз вақт керак бўлди. Мен травма сумкасини очдим, дефибрилаторни чиқариб, иложи борича тезроқ ёстиқчаларни қўйдим. Шифокорлар унинг юрак уриш тезлигини таҳлил қилгандан сўнг, улар шок кераклигини айтишди, шунинг учун биз ҳаммани чиқариб, электр токи урдик.
"Аввалига у хушига келмади, лекин тахминан 20-30 сониядан сўнг, Харж сунъий нафасни давом эттирганидан сўнг, мураббий тўсатдан ҳушига келди ва бу биз учун жуда зўр эди.”
Қиличев касалхонага ётқизилган, унинг ҳолати барқарор деб баҳоланмоқда.
Лиллис воқеадан кейин пайшанба куни кечқурун умуман ухламаганлигини айтди. "Шубҳасиз, ўша пайтда бу вазиятни ҳал қилиш адреналиннинг бир тури эди", деди у. "Мен ўз вазифамни бажардим ва умид қиламанки, кимдир омон қолишига ёрдам берганимдан миннатдорман.”
