Трамп 24 соат ичида Украинада келишувга эриша олишини айтди

Американинг собиқ етакчиси Дональд Трамп президентлик сайловларида ғалаба қозонса, Қўшма Штатлар Украинадаги вазиятни бир кунда ҳал қилиши мумкин, деб ҳисоблайди.

"Мен президент сифатида 24 соат ичида бу вазиятни ҳал қила оламан", деди Трамп республика партиясининг консерватив конференциясидаги нутқи олдидан журналистларга. Унинг сўзларига кўра, "бу қийин бўлмайди".

“Буни ҳозир ҳал қилиш керак, - деди у. - Агар одамлар нима қилаётганларини тушунсалар, буни 24 соат ичида ҳал қилиш мумкин эди", дея қўшимча қилди республикачи.

Трамп келишувга қандай эришиш мумкинлигини тушунтиришдан бош тортди. "Қандайлигини аниқ айтмайман. Чунки айтсам, буни уддалай олмаган бўлардим", - дейди у. - Бу жуда оддий бўларди".

"Мен буни 24 соат ичида қилган бўлардим. Бунинг учун мен президент бўлишим, ваколатлар, лавозим керак", дея такрорлади Трамп.