Уруш, номинг ўчсин жаҳонда!

Самарқанд шаҳридаги 13060-ҳарбий қисм хизматчилари 9 май - Хотира ва қадрлаш куни муносабати билан Хотира майдонида уч авлод учрашуви ташкил этди.

Тадбирда иштирок этган Иккинчи жаҳон уруши қатнашчилари ўқувчи-ёшларга уруш даври қийинчиликлари, ўзбек халқининг жасорати, қурбон бўлган яқинлари хотираси ҳақида сўзлаб бериб, уларни бугунги дориламон кунларга шукрона айтиб яшашга чақирди.

Учрашув сўнгида Мотамсаро она ҳайкали пойига гуллар қўйилди.

Акбар АБДУХАЛИЛОВ.