Учта ва ундан кўпроқ дори қабул қилувчи 15 фоиз катталар жиззакиликдан нолийди

Бир қатор оммавий тиббий дорилар инсон хулқ-атворига сезиларли таъсир ўтказиб, унинг шахсини ўзгартирар экан. “Дейли Мейл” нашри бу ҳақда британиялик врач Сара Хиллнинг тадқиқотлари натижаларини келтиради.

Ушбу мавзуни ўрганишга киришар экан, Хилл ҳозирда ҳар ўнинчи британиялик ҳар хил саккизта дори қабул қилишини аниқлади. Дори қанча кўп бўлса, инсон хулқ-атвори ва кайфиятига шунча кучли таъсир кўрсатар экан.

Яқинда тадқиқотлар инсон руҳияти ва шахсига кучли таъсир этадиган 200 та дорини аниқлади. Учта ва ундан кўпроқ дори қабул қилувчи 15 % катталар жиззакиликдан нолишади. Бундай дорилар ичида астма, артритга қарши препаратлар бор, деб ёзади “Дейли Мейл”.

Т.МУРОД тайёрлади.