Ukraina aviatsiya yordamida Qrimga zarba berdi
“Strana” nashrining xabar berishicha, Ukraina qurolli kuchlari aviatsiyasi G‘arbning uzoq masofali raketalari yordamidagina bunday zarbalarni amalga oshirishi mumkin.
Avvalroq harbiy ekspert Vasiliy Dandikin Ukraina Sevastopolga Britaniyaning qanotli raketalari yordamida hujum qilgan bo‘lishi mumkinligini aytgan edi. Shuningdek, unga ko‘ra, Ukraina qurolli kuchlari Qrimga tungi hujumda uchuvchisiz katerlardan ham foydalangan.
13 sentabrga o‘tar kechasi Ukraina qurolli kuchlari Sevastopoldagi kema ta’mirlash zavodiga o‘nta qanotli raketa bilan raketa hujumi uyushtirgan. Ishlab chiqarish hududida yong‘in sodir bo‘lgan. Tez orada ikki kishi hujum qurboniga aylangani, jarohatlanganlar soni esa 26 kishiga yetganligi ma’lum bo‘ldi. OAV ma’lumotlariga ko‘ra, Ukraina Qora dengizdagi platformalarini qaytarib olgan.
