Умумтаълим мактабларида “Сўнгги қўнғироқ” тадбирлари қандай ўтказилади?
Мактабгача ва мактаб таълими вазирлиги томонидан умумтаълим муассасаларида 2023-2024 ўқув йилини якунлаш ва “Сўнгги қўнғироқ” тадбирларини ўтказиш бўйича тавсиялар ишлаб чиқилди.
Унга кўра, умумий ўрта таълим муассасаларида “Сўнгги қўнғироқ” тадбирлари эртага, 25 май куни соат 8:00 дан 9:00 га қадар ташкил этилади.
Тадбирга мактаб ўқувчилари сонидан келиб чиққан ҳолда фақатгина 1-, 4-, 9-, 11-синф ўқувчилари жалб этилади. Унда йил давомида намунали хулқ ва аъло баҳоларга ўқиб, энг юқори рейтинг кўрсаткичларига эришган иқтидорли битирувчилар рағбатлантирилади.
“Сўнгги қўнғироқ” тадбирларини ўтказиш давомида турли ресторан ва кафелар, хонадонларда “Битирув оқшомлари”ни ўтказиш, ўқувчилардан турли хил пул маблағларини йиғиш кабилар тақиқланади.
