Ургутда оилаларга неча килодан, қандай маҳсулотлар тарқатилиши айтилди
Ургут тумани “URG-GAZ KARPET” МЧЖ ҳомийлигида маҳалла ва оилани қўллаб-қувватлаш бўлимининг ҳомийлик хайрияларини мувофиқлаштириш маркази томонидан шакллантирилган рўйхат асосида тумандаги 600 та кам таъминланган ва эҳтиёжманд оилаларга тарқатиладиган маҳсулотлар тайёрлаб қўйилди.
Ушбу маҳсулотлар таркибида 3000 литр (ҳар бир оилага 5 литрдан) ўсимлик мойи, 30 тонна (50 килограмдан) ун, 3 тонна (5 килограмдан) гуруч, макарон, картошка, сабзи, 1 тонна (2 килограмдан) гўшт, новвот, мош, 36 минг дона (2 флейкадан) тухум, 5000 дона (10 тадан) совун ва бир марталик тиббий ниқоблар бепул тарқатилиши бошланди. Тарқатилаётган маҳсулотлар туман санитария-эпидемиологик осойишталик маркази ва ветеренария бўлими озиқ-овқат хавфсизлиги хизмати ходимлари томонидан ўрганилиб, қатъий назоратга олинди.
Ижтимоий тармоқларда тарқатилаётган хайр-эҳсонлар юзасидан баъзи салбий фикрлар билдирилаётган бир пайтда Ургут тумани мутасаддилари бу ҳақда маълумотларни аниқ бериши кўплаб тушунмовчиликларнинг олдини олади.
