Халқ таълими вазирлиги собиқ депутатни судга берди

Оммавий ахборот воситалари вакиллари томонидан Халқ таълими вазирлигига фуқаро Қобул Дусовга нисбатан судга даъво аризаси очилгани юзасидан саволлар келиб тушди.

Мазкур мурожаатларга жавобан Халқ таълими вазирлиги қуйидагиларни маълум қилди:

 "Дарҳақиқат, Халқ таълими вазирлиги ўзининг шаъни, қадр-қиммати ва ишчанлик обрўсига путур етказувчи маълумотлар тарқатганлиги учун фуқаро Қобул Дусовдан раддия беришни талаб қилиб, фуқаролик судига мурожаат қилган.

Суд жараёни якуни бўйича қўшимча маълумотлар тақдим этилишини билдирамиз".