Akademik litseylarga hujjatlarni onlayn qabul qilish boshlandi
2020-2021 o‘quv yili uchun umumta’lim maktablarining 9-sinf bitiruvchi o‘quvchilarining hujjatlarini oliy ta’lim muassasalari tasarrufidagi akademik litseylarga onlayn qabul qilish boshlandi.
Akademik litseylarda:
- aniq fanlar;
- tabiiy fanlar;
- xorijiy tillar;
- ijtimoiy-gumanitar fanlar yo‘nalishlari bo‘yicha chuqurlashtirilgan ta’lim beriladi.
Ota-onalarga qulaylik yaratish maqsadida respublikadagi barcha akademik litseylar haqida ma’lumotlar umumlashtirilgan maxsus telegram kanal tashkil etildi.
Ushbu kanal orqali yurtimizdagi akademik litseylarning rasmiy sahifalari orqali o‘quvchilar o‘zlari tanlagan yo‘nalishlar bo‘yicha hujjatlarini onlayn topshirishi mumkin bo‘ladi.
Hujjatlarni qabul qilish 30 iyunga qadar davom etadi.
