Bosh prokuratura Bishkekda qo‘lga olingan jurnalist Bobomurod Abdulla ishi bo‘yicha bayonot berdi
Unda qayd etilishicha, O‘zbekiston Respublikasining so‘roviga asosan, 22.01.1993 yildagi “Fuqarolik, oilaviy va jinoiy ishlar bo‘yicha huquqiy yordam va huquqiy munosabatlar to‘g‘risida”gi Minsk Konvensiyasiga muvofiq, B.Abdullayev Qirg‘iziston Respublikasi huquq-tartibot idoralari tomonidan qo‘lga olingan.
Hozirgi kunda uning O‘zbekiston Respublikasiga ekstraditsiya qilinishi masalasi hal qilinmoqda, deyiladi bayonotda.
Eslatib o‘tamiz, Bobomurod Abdulla Usmon Haqnazarov taxallusi bilan qator tanqidiy maqolalar yozgan.
