“Cobalt” avtomashinasini olib qochgan shaxs ushlandi
2020 yilning 9 iyul kuni soat 18:40 da noma’lum shaxs Mirobod tumanidagi “Poytaxt” savdo majmuasi ro‘parasida, 34 yoshli R.R.ning ishonchiga kirib, uning “Cobalt” avtomashinasini to‘xtash joyiga olib kirishini aytib, mazkur avtomashinani olib qochgan va hodisa joyidan yashiringan.
Tezkor-qidiruv harakatlari natijasida olib qochilgan avtomobil Yashnobod tumanida topilib, ushbu jinoyat 30 yoshli M.R. tomonidan sodir etilganligi aniqlangan.
Holat yuzasidan Mirobod tumani bo‘yicha IIO FMB huzuridagi tergov bo‘limi tomonidan Jinoyat kodeksining 267-moddasi 1-qismi (transport vositasini olib qochish) bilan jinoyat ishi qo‘zg‘atilgan.
Jinoyat ishi bo‘yicha M.R. ayblanuvchi tariqasida jalb qilinib, unga nisbatan “qamoqqa olish” tarzidagi ehtiyot chorasi qo‘llanilgan. Bu haqda O‘zbekiston Respublikasi IIV huzuridagi Tergov departamenti xabar berdi
