“Damas” va “Zil” to‘qnashuvi katta yong‘inga sabab bo‘ldi

Kecha, 28 iyun kuni soat 14:15 da Toshkent viloyati Ohangaron shahri, Guliston MFYda joylashgan ko‘p qavatli uyning 1-qavatidagi do‘konda yong‘in kelib chiqdi, deb xabar berdi FVV matbuot xizmati.

Buning oqibatida ushbu hududning 190 metr kvadrat maydoni, ya’ni do‘konning shifti va ichki jihozlari hamda oziq-ovqat mahsulotlariga zarar yetgan.

Mazkur xabar yuzasidan viloyat favqulodda vaziyatlar boshqarmasining yong‘in-qutqaruv guruhi voqea joyiga zudlik bilan yetib borib, yong‘inni o‘z vaqtida bartaraf etdi. Qutqaruvchilarning sa’y-harakatlari natijasida 90 metr kvadrat saqlab qolindi.

Birlamchi ma’lumotlarga ko‘ra, hodisaning kelib chiqishiga “Damas” hamda “Zil-130” rusumli avtomobillarining to‘qnashuvi sabab bo‘lgan, deb taxmin qilinmoqda.

Kelib chiqqan yong‘inda halok bo‘lgan va jabrlangan fuqarolar bo‘yicha ma’lumot kelib tushmagan.