«Dinamo»dan navbatdagi g‘alaba

Pro-liga 4-turi doirasida Samarqandning «Dinamo» jamoasi o‘z maydonida «Zomin» klubi ustidan yirik hisobda g‘alaba qozondi.

Bellashuvning 45-daqiqasida K.Sharofutdinovning uzatmasidan keyin Sh.Nuriddinov hisobni ochgan bo‘lsa, 57-daqiqada «Dinamo»chi A.Sidorov jizzaxlik himoyachilarning xatosini gol bilan jazoladi – 2:0.

Uchrashuv yakunida, ya’ni 90+1-daqiqada esa J.Ahmadovning ajoyib uzatmasini O.Jo‘raboyev golga aylantirib, hisobni yirik ko‘rinishga keltirdi - 3:0.

Shunday qilib futbolchilarimiz turnir jadvalida 5-o‘ringa ko‘tarilib olishdi.