Erkakcha suhbat
Samarqand shahridagi harbiy qismda "Ekstremizm va terrorizmga qarshimiz!" mavzusida ma’rifiy uchrashuv o‘tkazildi.
Shartnoma asosida xizmat qilayotgan serjant va oddiy askarlar, Qurolli Kuchlar xizmatchilari ishtirok etgan tadbirda viloyat davlat xavfsizlik xizmati boshqarmasi xodimi S.Qayumov, Samarqand harbiy prokurori yordamchisi O.Bahronov xalqaro maydonda turli ekstremistik va terrorchi tashkilotlar tomonidan amalga oshirilayotgan xunrezliklar haqida so‘z yuritdi. Bunday guruhlar o‘z safini kengaytirish maqsadida yoshlar orasida o‘z g‘oyalarini targ‘ib etishga harakat qilayotgani ta’kidlandi. Bundan ogoh bo‘lish, yoshlarni asrash kerakligi qayd etildi.
Uchrashuvda «Islom: mohiyat va talqin» videofilmi namoyish etildi.
Shuhrat UMBAROV.
