O‘zbekiston harbiy qudrat jihatdan Markaziy Osiyoda birinchi
Harbiy qudrat bo‘yicha jahon reytingida O‘zbekiston 138 ta davlat orasida 52-o‘rinni egalladi.
Bu haqda Global Firepower xabar bermoqda. Reytingda birinchi o‘rinni - AQSh, ikkinchi o‘rinni - Rossiya, uchinchi o‘rinni - Xitoy egallagan.
Birinchi kuchli o‘nlikka, shuningdek, Hindiston, Yaponiya, Janubiy Koreya, Fransiya, Buyuk Britaniya, Misr va Braziliya kirgan.
Markaziy Osiyo davlatlarining reytingdagi joylashuv o‘rni quyidagicha: Qozog‘iston - 63 o‘rin, Turkmaniston - 77 o‘rin, Afg‘oniston - 78 o‘rin, Tojikiston - 94 va Qirg‘iziston - 98 o‘rinlarni egallagan.
