Farg‘onada o‘ninchi bor o‘tkazilayotgan an’anaviy "Chimyon" media-forumi o‘z ishini boshladi

Farg‘ona viloyati hokimligi va O‘zbekiston Jurnalistlari ijodiy uyushmasi viloyat bo‘limi hamkorligida tashkil etilgan tadbirda mamlakatimizning barcha hududlaridan ommaviy axborot vositalari vakillari, jumladan, samarqandlik jurnalistlar ham ishtirok etmoqda.

Media-forumning ochilishi marosimida Farg‘ona viloyati hokimi o‘rinbosari X.Axmedov, O‘zbekiston Jurnalistlari ijodiy uyushmasi raisi O.O‘sarov so‘zga chiqib, forum ishiga muvaffaqiyat tiladi.

Tadbirning bugungi kun tartibidan “Zarafshon” va “Samarkandskiy vestnik” gazetalarining taqdimoti o‘rin olgan.